Angalaqatigiit

Amerlanerullusi Angalaqatigiinniarpisi?

Angalaqatigiit amerlanerusut, peqatigiiffiit, suliffeqarfiit, lejrskoleriat il.il.

Atuaqatigiillusi angalaniarpisi – imaluunniit ikinngutigiillusi Parken-imi landskampimut tullermut isiginnaariarlusi angalanissarsi pilersaarusiorpisiuk? Ukiorpassuarni ataatsimoorlutik angalasartut misilittagaqarfigaavut, aammalu amerlanerulluni angalanermi akikillisaanneqarnissaq iluaqutissaqarnissarlu tamatigut isumagisarparput.

Angalanissamut isumassarsiasi kissaatisilu pillugit uatsinnut attaveqaritsi – taava suut tamarmik naleqquttumik aaqqinnissaat – aammalu missingersuutisi atorlugit pitsaanerpaanik pissarsinissarsi isumagissavarput. Timmisartorneq, assartorneqarneq, unnuinerit, sammisassat misigisassallu tamaasa ataatsimut aaqqissuutissavavut. Aaqqissuussinerput annertusiartortillugu ilinnut ajornannginnerulissaaq.

Kalaallit Nunaata avataani suliffeqarfimmeerpit imaluunniit amerlanerullusi angalaqatigiinniarpisi

Illit imaluunniit amerlanerullusi Kalaallit Nunaata avataani najugaqarussi, aammalu periarfissatit pillugit annertunerusumik tusagaqarusukkuit, Københavnimi ataatsimoorluni angalasarnermut immikkoortortaqarfitsinnut attaveqarfigitigut.

Atuaqatigiinnut neqeroorut

Atuaqatitillu Danmarkimut paasisassarsiorlusi angalaniarussi, neqeroorummik pitsaasumik pissarsiniarlusi Nunatta Angalatitsiviat attaveqarfigisiuk. Suleqativut peqatigalugit angalanerit ataatsimoortut akillu pitsaasut neqeroorutigisinnajuaannarpagut.

Assersuutigalugu Danmarkiliarlutit Kangerlussuarmi uninngasinnaavutit, tassaniinninnilu Sermersuaq avatangiisillu immikkoorutillit misigalugit.

Taakku naammanngippata, taassuma saniatigut Barcelona-mut, Berlin-imut, Paris-imullu timmisartumut bilitsinik unnuinernillu pisisinnaavutit.